Улаанбаатарын газар, үйлчилгээг нэг дор олох, хүмүүсийн бодит сэтгэгдэл, зургаар сонгох, захиалга авдаг газарт цаг захиалах, дэлгүүрээс бараа захиалах, бизнесийн ачааг жолоочоор хүргүүлэх боломжийг нэг дор холбосон платформ. Хэрэглэгч, байгууллага, жолооч хоорондоо шууд харилцана — Hurgelt.mn тэднийг хооронд нь холбох гүүр болно.
Hurgelt.mn платформыг ажиллуулж, газар, үйлчилгээний мэдээллийг харуулна. Захиалга, худалдан авалт, үйлчилгээ, хүргэлтийн тохиролцоо тань тухайн байгууллага эсвэл жолоочтой шууд байгуулагдана. Үнэ, чанар, хугацаа, цуцлалт, буцаалтын нөхцөлийг байгууллага өөрөө тогтоож, хариуцна. Hurgelt.mn-ийн үүрэг нь платформ дээрх мэдээллийг засах, нуух, устгах, дүрэм зөрчсөн бүртгэлийг хязгаарлах явдал.
Одоогоор хэрэглэгч, байгууллагад Hurgelt.mn үнэгүй. Утасны дугаар баталгаажуулах мессеж мэт гуравдагч талын үйлчилгээний үнийг та илгээхээсээ өмнө харна.
Газрын зургийн «+» товчоор газрын нэр, ангилал, байршлаа оруулна. Шалгалтад тэнцвэл газар шууд нийтлэгдэнэ. Яг тэр орчимд ижил нэртэй газар бүртгэлтэй бол «Тэр газар мөн үү?» гэж асууна — тэр бол шинээр нэмэлгүйгээр байгааг нь нээгээрэй.
Нэг газарт нэг л удаа сэтгэгдэл бичнэ. Бичсэн сэтгэгдлээ хүссэн үедээ засварлаж, устгаж болно; засвар нь шинэ оролцоо гэж давхар тооцогдохгүй. Сэтгэгдэл бол таны өөрийн туршлага, үзэл бодол — нийтлэгдэхээс өмнө хэн ч засварладаггүй.
Латинаар бичсэн сэтгэгдлийг илгээхэд кирилл болгосон хувилбарыг харуулна. Итгэлгүй үгсийг тэмдэглэж шалгуулна; та засаж, эсвэл өөрийн бичсэнээр нийтэлж болно. Анхны латин бичвэр тань нууцлалтай хадгалагдаж, бусдад харагдахгүй.
Сэтгэгдлийн «Бусад» цэснээс «Гомдол гаргах»-ыг дарна. Дүрэм зөрчсөн бол тэр сэтгэгдлийг нууж, устгана. Хэн нэгний туршлага зөв, буруу эсэхийг шүүхгүй — байгууллага сэтгэгдэлд нийтэд хариу бичиж байр сууриа илэрхийлж болно.
XP нь шаардлага хангасан оролцоо, түвшнийг илэрхийлэх оноо. XP нь мөнгө биш бөгөөд бэлэн мөнгөөр татан авах боломжгүй.
Очсон газрынхаа тухай дэлгэрэнгүй сэтгэгдэл, зурагт XP олгоно — хэт богино сэтгэгдэл нийтлэгдэх ч XP авахгүй. Серверээс XP олгосон шаардлага хангасан үнэлгээ, зураг, даалгаврын дүн таны профайл болон XP хуудсанд ижилхэн харагдана. Сэтгэгдлээ устгавал, эсвэл дүрэм зөрчсөн гэж нуугдвал түүгээр авсан XP буцна.
Байгууллагын богино судалгаа, үнэлгээ. Гүйцэтгэвэл тухайн даалгаварт заасан XP авна. Зарим даалгаврын хариуг байгууллага өөрөө шалгаад батална. Хариугаа үнэнээр бичээрэй — шагнал нь санал тань эерэг эсэхээс хамаарахгүй.
«Цаг захиалж болно» гэсэн газрын хуудаснаас өдөр, цагаа сонгоно — сул эсэх, үнийг нэвтрэхээс өмнө ч харна. Захиалга илгээхэд байгууллага шууд, эсвэл гараар баталгаажуулна. Гараар батлах газарт цагийг тодорхой хугацаанд түр барих бөгөөд хугацаа нь захиалах үед харагдана; хариу ирэхгүй бол цаг суллагдана.
Байгууллагын заасан аргаар: газар дээр нь, эсвэл байгууллагын данс руу шууд шилжүүлнэ. Hurgelt.mn таны төлбөрийг хүлээн авдаггүй, дамжуулдаггүй, хадгалдаггүй — мөнгө тань шууд байгууллагад очно.
Цуцлах, өөрчлөх, буцаалт хийх нөхцөлийг тухайн байгууллага тогтооно. «Миний цаг захиалга»-аас захиалгаа хараад, газрын хуудсанд байгаа утсаар байгууллагатай шууд холбогдоорой. Төлбөр бидэнд дамждаггүй тул буцаалтыг байгууллага өөрөө хийнэ.
Дэлгүүрийн хуваалцсан холбоосоор орж бараагаа сонгоод нэр, утас, хүргэх хаягаа бичиж илгээнэ. Дэлгүүр зөвшөөрөхдөө тоо, үнийг өөрчилж болно — өөрчлөлт танд харагдах ба зөвшөөрөхгүй бол цуцална. Дэлгүүр 24 цагийн дотор хариу өгөхгүй бол захиалга автоматаар цуцлагдана. Төлбөрөө дэлгүүрт шууд төлнө.
Худалдагч нь дэлгүүр. Барааны чанар, тоо ширхэг, солих, буцаах асуудлыг дэлгүүртэйгээ шууд шийднэ. Бид захиалгын бүртгэлийг засаж чадах ч мөнгө буцаах, бараа солих эрх, үүрэггүй.
Илгээгч бизнесийн өөрийн жолооч, түүний итгэдэг түнш, эсвэл баримтаа шалгуулсан бие даасан жолооч. Хүлээн авагчийн нэр, утас, хаягийг зөвхөн тухайн хүргэлтийг гүйцэтгэж буй жолооч харна.
Илгээгчээс ирсэн холбоосоор хүргэлтээ хянаж, жолоочид QR эсвэл 4 оронтой кодоо өгнө. Ачаагаа аваагүй байхад хүргэгдсэн гэж харагдвал тэр холбоосоосоо «Хүлээж аваагүй» гэж мэдэгдэнэ. Хоцролт, гэмтэл, үнийн асуудлаар илгээгч бизнестэй шууд холбогдоорой.
Хүргэлтийн үнийг илгээгч бизнес тогтооно. Жолооч хөлсөө ачаа авахдаа бизнесээс шууд авна; Hurgelt.mn энэ мөнгийг дамжуулдаггүй.
Газар тань газрын зураг дээр аль хэдийн байвал газрын хуудасны доод талын «Эзэмших» холбоосыг дарна. Эсвэл Профайл → «Бизнес эхлүүлэх»-ээр байгууллагаа бүртгүүлээд бизнесийн самбарт газраа хайна: олдвол «Энэ миний газар», олдохгүй бол шинээр нэмнэ. Эзэмшихдээ газрын хуудсанд бүртгэлтэй утсаар баталгаажуулах, эсвэл баримт илгээнэ. Дараа нь самбараасаа мэдээлэл, ажлын цаг, цаг захиалга, даалгавар, хүргэлтээ удирдаж, сэтгэгдэлд хариулна.
Эзэмшсэн газрын мэдээллийг байгууллага өөрөө бизнесийн самбараас засна. Эзэнгүй эсвэл засагдахгүй байгаа буруу мэдээллийг [email protected] хаягаар мэдэгдвэл бид засах, нуух боломжтой.
Газраа эзэмших, жолоочоор бүртгүүлэх үед дугаар таных болохыг шалгана. Утсаараа нэг удаа SMS илгээхэд болно.
Нууц үг тань буцаан сэргээгдэхгүй хэлбэрээр хадгалагдана. Захиалга, хүргэлтэд шаардлагатай мэдээллийг зөвхөн холбогдох тал харна. Дэлгэрэнгүйг Нууцлалын бодлогоос үзнэ үү.
Захиалга, төлбөр, бараа, хүргэлтийн асуудлаар эхлээд тухайн байгууллагатай шууд холбогдоорой — шийдэх эрх тэдэнд бий. Мэдээлэл буруу, дүрэм зөрчсөн агуулга, данс, нэвтрэлтийн асуудлаар [email protected] хаягаар бидэнд бичээрэй.
Хариулт олдсонгүй юу? Тусламж хуудсанд асуудал гарвал хэнд хандахыг тайлбарласан.